Rydyn ni a Gwasanaethau Cymorth Ieuenctid Sir Gaerfyrddin drwy prosect #PeriodPovertySirGâr wedi cynogi nifer o bobl ifanc yn ystod y cyfyngiadau symud drwy roi cynhyrchion mislif am ddim iddynt.

Mae’r tîm yng Nghyngor Sir Caerfyrddin wedi trefnu bod bron 6,000 o eitemau mislif yn cael eu dosbarthu a’u postio i fenywod ifanc sydd wedi bod yn cael anhawster cael gafael arnynt oherwydd bod ysgolion, colegau a chlybiau ieuenctid wedi cau mewn ymateb i’r pandemig Coronafeirws.Nawr bod y cyfyngiadau symud yn cael eu llacio, mae’r timau’n chwilio am fusnesau ledled Sir Gaerfyrddin megis caffis a siopau a fydd yn cadw stoc ohonynt yn ystod gwyliau’r haf.

Y llynedd dyfarnwyd £13,437 o arian grant Llywodraeth Cymru i’r Cyngor Ieuenctid brynu ystod o gynhyrchion eco-gydnaws y gellir eu hailddefnyddio i’w dosbarthu.t.

Dywedodd y Cynghorydd Mair Stephens, Dirprwy Arweinydd y Cyngor a Hyrwyddwr Tlodi Mislif Sir Gaerfyrddin: “Mae llawer o fenywod ifanc yn dibynnu ar y cynhyrchion hyn sydd am ddim ac rydym wedi bod yn sicrhau nad ydynt wedi bod hebddynt yn ystod y cyfyngiadau symud drwy naill ai eu postio neu eu dosbarthu i’r cartref.

Nod y cynllun yw sicrhau na fydd merched yn colli addysg oherwydd nad oes ganddynt eitemau mislif digonol yn ystod eu mislif, a newid ymagwedd pobl tuag at y mislif er mwyn iddo beidio â bod yn bwnc ‘tabŵ’.

Dywedodd Amber Treharne, sy’n aelod o’r Cyngor Ieuenctid: “Hoffem ddiolch i bawb sydd wedi cefnogi ein gwaith. Mae wedi bod yn gymorth mawr inni sicrhau bod merched ifanc yn gallu cael cynhyrchion mislif yn ystod cyfnod mor anodd. Gyda’n gilydd, bellach gallwn symud un cam ymlaen er mwyn sicrhau y gall pob merch ifanc yn Sir Gaerfyrddin gael urddas mislif.”

Os ydych yn cael anhawster cael gafael ar gynhyrchion mislif am ddim neu eich bod yn fusnes sy’n hapus i gadw stoc ohonynt, anfonwch neges e-bost Cyfranogiad@sirgar.gov.uk Neu cliciwch yma i weld ble arall y gallwch gasglu cynhyrchion AM DDIM.  

Mae dau o’n haelodau wedi bod yn darganfod rhagor am yr hyn y mae Cyngor Sir Caerfyrddin yn ei wneud i ddiogelu’r amgylchedd.

Gwahoddodd Cai Phillips ac Arwen Skinner y Cynghorydd Hazel Evans, sef yr Aelod o’r Bwrdd Gweithredol sy’n gyfrifol am yr Amgylchedd, i gyfarfod digidol. Mae’r Cyngor Ieuenctid yn canolbwyntio ar ei ymgyrch ‘i ddiogelu ein hamgylchedd’ yn ystod rhan o Orffennaf Di-blastig. Roedd y cyfarfod yn gyfle i’r bobl ifanc ddarganfod beth y mae’r cyngor sir yn ei wneud drwy siarad yn uniongyrchol â’r aelod o’r bwrdd gweithredol sy’n gyfrifol am yr amgylchedd.

Ymysg y pynciau a drafodwyd oedd y defnydd o wastraff plastig, newid yn yr hinsawdd a bioamrywiaeth. Dywedodd Arwen: “Roeddem wedi cynnal y cyfarfod i fynd i’r afael â phryderon pobl ifanc ynghylch yr amgylchedd a Gorffennaf Di-blastig. Cafodd ein cwestiynau eu hateb ac rydym yn edrych ymlaen at gyfarfod ym mis Medi.”

Ychwanegodd Cai: “Roeddem am gyfarfod â’r Cynghorydd Evans gan ein bod yn credu ei bod yn bwysig bod y Cyngor yn ymwybodol o farn pobl ifanc. Aeth y cyfarfod yn dda iawn, cawsom drafodaeth adeiladol am nifer o bynciau gwahanol. Rydym yn hynod o falch bod y Cynghorydd Evans wedi ein gwahodd i gyfarfod arall ym mis Medi er mwyn parhau i ymgysylltu ynghylch y mater pwysig hwn.”

Dywedodd y Cynghorydd Hazel Evans: “Hoffwn ddiolch i Cai ac Arwen am fy ngwahodd i siarad gyda nhw a gofyn rhai cwestiynau heriol i mi. Roedd yn gyfle gwych i glywed eu barn hefyd ac rwy’n edrych ymlaen at gyfarfod â nhw eto ym mis Medi i barhau â’r sgwrs hon.”

Amber 16 o Porth Tywyn, yw Aelod Seneddol Ieuenctid y Deyrnas Unedig Sir Gaerfyrddin ar gyfer 2019/20. Cynrychiolodd Sir Gaerfyrddin a Chymru yn Dadl Flynyddol Tŷ’r Cyffredin yn Llundain. Ymunodd Amber ag aelodau Senedd Ieuenctid y DU yn Nhŷ’r Cyffredin ar ddydd Gwener 8fed Tachwedd i ddadlau a phenderfynu ar y mater pwysicaf i ymgyrchu arno ar gyfer 2020, a gymerwyd o Bleidlais Gwneud Eich Marc 2019, lle defnyddiodd dros 4,100 o bobl ifanc o bob rhan o’r sir eu pleidlais.

Y 2 Ymgyrch ar gyfer 2019/2020 y pleidleisiodd Aelodau Senedd Ieuenctid y DU arnynt yn Dadl Tŷ’r Cyffredin ym mis Tachwedd oedd:
• Rhowch ddiwedd ar drisedd cyllyll – Mater datganoledig
• Amddiffyn yr amgylchedd – Mater y DU

Dywedodd Amber “Mae wedi bod yn gymaint o fraint I fod yn aelod o Senedd Ieuenctid y DU ar gyfer 2019-20 ac mae wedi bod yn brofiad y byddaf yn ei drysori am weddill fy oes. Rwyf wedi datblygu cymaint o sgiliau gwerthfawr fel siarad cyhoeddus, dadlau a gwaith tîm ac rwy’n siŵr y bydd o fudd mawr imi wrth imi symud ymlaen trwy gydol oes. Mae bod yn aelod o Senedd Ieuenctid y DU wedi caniatáu imi gwrdd â chymaint o bobl ifanc anhygoel o bob rhan o’r DU ac rwyf wedi adeiladu cyfeillgarwch a fydd, gobeithio, yn para am amser hir. Roedd mynychu Tŷ’r Cyffredin yn wirioneddol fythgofiadwy, a mwynheais fy amser yn Llundain yn fawr ar gyfer dadl flynyddol Senedd Ieuenctid y DU! ”

Roedd Amber ymhlith 24 aelod a oedd yn cynrychioli Cymru yn y digwyddiad. Rhoddodd cymryd rhan yn y ddadl gyfle i Amber gwrdd ag aelodau eraill o’r Senedd Ieuenctid y DU rhwng 11 a 18 oed o bob rhan o’r wlad a gweithio gyda nhw i wneud gwahaniaeth i bobl ifanc. Dros y misoedd nesaf bydd Amber, gydag aelodau’r Cyngor, yn gweithio’n galed ar y ddau brif fater.

Rydym yn falch iawn o gael ein gwahodd i ddathlu 30 mlynedd o CCUHP ar 20 Tachwedd yng Nghaerdydd. Bydd hwn yn gyfle i ni ddysgu am waith Hawliau Plant yng Nghymru. Rydym hefyd wedi bod yn paratoi ein stondin, ac rydym yn barod i rannu ag eraill y gwaith y mae Cyngor Ieuenctid Sir Gaerfyrddin wedi bod ynghlwm ag ef dros y flwyddyn ddiwethaf er mwyn dangos sut rydym yn hyrwyddo’r hawl i leisio barn ac i sicrhau bod ein barn yn cael ei chydnabod yn Sir Gaerfyrddin.

Cynhelir trafodaethau o amgylch y bwrdd a byddwn yn cael cyfle i gwrdd a siarad ag ymarferwyr a llunwyr polisi gan gynnwys Mark Drakeford, Prif Weinidog Cymru; Julie Morgan AC, Dirprwy Weinidog Iechyd a Gwasanaethau Cymdeithasol a Sally Holland, Comisiynydd Plant Cymru. 

Byddwn hefyd yn cael cyfle i gymryd rhan mewn gweithdai rhyngweithiol i ddysgu mwy am waith y fenter Ysgolion sy’n Parchu Hawliau UNICEF. Yn ogystal, byddwn yn dysgu mwy am y Safonau Cyfranogiad Cenedlaethol ac yn cyfarfod â Thîm Cenedlaethol yr Arolygwyr Nod Barcud a recriwtiwyd yn ddiweddar.

Byddwn yn lleisio’n barn ynghylch y materion a’r problemau sy’n bwysig i ni yn fyd-eang ac yn bersonol gan fod gan bob plentyn a pherson ifanc hawl i gael ei glywed – sef un o’r erthyglau pwysicaf rydym yn glynu wrtho.

We’ll have a say on the issues and problems that matter to us globally and personally as every child and young person has a right to be heard – which is one of the most important articles which we stand by.

Mae Tom a Patrycja ar fin dod yn Arolygwyr Ifanc Cenedlaethol. Mae Cymru Ifanc wedi recriwtio a byddant yn hyfforddi Tîm Cenedlaethol o Arolygwyr Nod Barcud. Mae’r Safonau Cyfranogiad Cenedlaethol dros Blant a Phobl Ifanc yn nodi Saith o Safonau y dylai pob oedolyn fod yn ymwybodol ohonynt wrth weithio gyda phlant a phobl ifanc yng Nghymru ac ymwneud â nhw;

1. GWYBODAETH
2. CHI BIAU’R DEWIS
3. DIM GWAHANIAETHU
4. PARCH
5. BOD AR EICH ENNILL
6. ADBORTH
7. GWEITHIO’N WELL DROSOCH CHI

Mae’r Safonau hyn yn helpu i fesur a hyrwyddo cyfranogiad plant a phobl ifanc o ran gwneud penderfyniadau, cynllunio ac adolygu unrhyw weithred a fydd yn cael effaith arnynt.

Ymunodd Tom a Patrycja â phobl ifanc ar draws Cymru yn Wrecsam ym mis Hydref a byddant yn mynychu sesiynau hyfforddi drwy gydol y flwyddyn i fod yn Arolygwyr Ifanc Cenedlaethol a byddant yn cael cyfle i arolygu sefydliadau a gwasanaethau yn unol â’r Safonau. Mae’r Safonau’n helpu sefydliadau i fesur a gwella ansawdd y broses o ran cyfranogiad plant a phobl ifanc.

Nododd Tom fod “bod yn Arolygydd Nod Barcud Ifanc Cenedlaethol yn fraint fawr. Rwyf yn un o’r 20 o Arolygwyr cyntaf yng Nghymru ac rwyf yn gobeithio gwella sefydliadau o ran cyfranogiad plant a phobl ifanc. Alla i ddim aros nes dechrau.”