Bydd Amber ymhlith y 24 o aelodau oedd yn cynrychioli Cymru yn y Nhŷ’r Cyffredin yn Tachwedd

Amber, sy’n 16 oed ac o Burry Port yw ein haelod etholedig o Senedd Ieuenctid y DU yn 2019/20. Bydd Amber yn ymuno ag aelodau Senedd Ieuenctid y Deyrnas Unedig yn Nhŷ’r Cyffredin ddydd Gwener 8fed o Dachwedd i ddadlau a phenderfynu ynghylch y mater mwyaf pwysig i ymgyrchu yn ei gylch yn 2019. Bydd Amber ymhlith y 24 o aelodau oedd yn cynrychioli Cymru yn y digwyddiad.

Cyn y digwyddiad dywedodd Amber “Rwyf mor gyffrous fy mod yn mynychu’r Tŷ Cyffredin ar 8fed o Dachwedd i gynrychioli Sir Gaerfyrddin a Chymru. Mae’n gyfle y gallwn i erioed fod wedi breuddwydio amdano felly rydw i mor ddiolchgar fy mod i wedi cael fy ethol i wneud hynny. ”

Arweiniodd Amber ar Bleidlais ‘Make Your Mark’ 2019 yn Sir Gaerfyrddin, sef yr ymgynghoriad ieuenctid mwyaf yn y Deyrnas Unedig gyda dros 800,000 o bobl ifanc yn cymryd rhan. Gwnaeth Amber a’i thîm annog dros 4,000 o bobl ifanc rhwng 11 ac 18 oed ledled Sir Gaerfyrddin i gymryd rhan a phleidleisio ar y materion pwysig sy’n cael effaith ar eu bywydau.

Ym mis Tachwedd, bydd Aelodau Senedd Ieuenctid y DU yn dod at ei gilydd i ddadlau a phenderfynu yn Nhŷ Cyffredin UKYP sy’n eistedd ar y materion pwysicaf i ymgyrchu arnynt am y flwyddyn i ddod. Bydd yr eisteddiad yn nodi diwedd Wythnos y Senedd. Datgelwyd Canlyniadau Pleidlais Make your Mark (Caerfyrddin a Chymru ar tudalen 26-27) ym mis Hydref

Y pum mater i’w trafod yw:

1. AMDDIFFYN YR AMGYLCHEDD
Mater y DU – Mae gennym gyfrifoldeb i amddiffyn yr amgylchedd rhag effeithiau newid yn yr hinsawdd ar gyfer y genhedlaeth nesaf; ac y dylai’r Llywodraeth edrych tuag at ddewisiadau amgen carbon niwtral.

2. RHOWCH DDIWEDD AR DROSEDD CYLLYLL
Mater datganoledig – Mae gormod o fywydau pobl ifanc yn cael eu colli oherwydd troseddau cyllyll; mae angen i’r Llywodraeth wneud mwy i helpu i ddod â’r epidemig troseddau cyllyll i ben.

3. IECHYD MEDDWL
Mater datganoledig – Dylai gwasanaethau gael eu gwella gyda chymorth pobl ifanc, a dylent fod ar gael mewn ysgolion.

4. MYND I’R AFAEL A THROSEDDAY CASINEB
Mater y DU – Dylem gael ein haddysgu ar sut i riportio troseddau casineb. Credwn y dylai’r Llywodraeth fuddsoddi mewn creu lleoedd diogel sy’n hyrwyddo undod mewn cymunedau.

5. CWRICWLWM I’N PARATOI NI AR GYFER BYWYD
Mater Datganoledig – Dylai ysgolion ymdrin â phynciau fel cyllid, addysg rhyw a pherthynas a gwleidyddiaeth

Ychwanegodd Amber “Rwy’n edrych ymlaen at drafod y prif faterion o Make Your Mark yn Nhŷ’r Cyffredin a byddaf yn sicrhau y bydd llais dros 3700 o bobl ifanc yn Sir Gaerfyrddin yn cael ei glywed yn San Steffan. Hoffwn ddiolch i’r holl bobl ifanc a gymerodd ran yn Make Your Mark eleni, gwelwyd ymdrech anhygoel yn Sir Gaerfyrddin! Diolch”

 

Tom, sy’n 14 oed ac o Llandyfan yw ein haelod etholedig o Senedd Ieuenctid y DU yn 2018/19.

Arweiniodd Tom ar Bleidlais ‘Make Your Mark’ 2018 yn Sir Gaerfyrddin, sef yr ymgynghoriad ieuenctid mwyaf yn y Deyrnas Unedig gyda 954,766 o bobl ifanc yn cymryd rhan. Gwnaeth Tom a’i thîm annog 5,076 o bobl ifanc rhwng 11 ac 18 oed ledled Sir Gaerfyrddin i gymryd rhan a phleidleisio ar y materion pwysig sy’n cael effaith ar eu bywydau.

Datgelwyd Canlyniadau Pleidlais ‘Make your Mark’ (tudalen 30-31) ym mis Hydref a’r canlyniadau yn Sir Gaerfyrddin oedd:

• 1,035 votes – Iechyd Meddwl
• 620 votes – Taclo Digartrefedd
• 599 votes – Cwricwlwm I’n paratoi ni ar gyfer bywyd
• 599 votes – Tâi Cyfartai Gwasanaethau Ieuenctid
• 595 votes – Rhoi diwedd ar drosedd cyllell

Y 5 canlyniad gorau yn Sir Gaerfyrddin:

Ymunodd Tom ag aelodau Senedd Ieuenctid y Deyrnas Unedig yn Nhŷ’r Cyffredin ddydd Gwener 9 Tachwedd i ddadlau a phenderfynu ynghylch y mater mwyaf pwysig i ymgyrchu yn ei gylch yn 2018. Roedd Alisha ymhlith y 24 o aelodau oedd yn cynrychioli Cymru yn y digwyddiad.

Y ddwy Ymgyrch Genedlaethol ar gyfer 2018/2019 y pleidleisiwyd drostynt gan Aelodau o Senedd Ieuenctid y DU yn Nadl Tŷ’r Cyffredin ym mis Tachwedd oedd ‘Rhoi diwedd ar drosedd cyllell’ a ‘Pleidlais yn 16 oed’.

Ar ran y Cyngor Ieuenctid a Senedd Ieuenctid y DU mae Tom wedi diolch i’r holl bobl ifanc yn Sir Gaerfyrddin a hwylusodd Pleidlais Make your Mark eleni ac a gymerodd ran ynddi. Dyma’r nifer mwyaf o bobl ifanc i bleidleisio yn Make your Mark ers iddi ddechrau yn 2011.

Dywedodd Tom mai “bod yn aelod o Senedd Ieuenctid y Deyrnas Unedig yw’r peth mwyaf anhygoel sydd wedi digwydd imi fel person ifanc. Mae e nid yn unig wedi rhoi hyder a nerth imi, ond mae e hefyd wedi rhoi cyfleoedd imi gwrdd â phobl o bob cwr o’r Deyrnas Unedig a chlywed eu barn am yr hyn sydd bwysicaf iddynt. Mae’r ymgyrch Pleidlais yn 16 oed yn bwnc arbennig iawn i nifer o bobl ifanc, gan ei fod yn rhoi llais inni a chyfle i helpu i lywio’r penderfyniadau sydd yn cael yr effaith fwyaf arnom. Bydd yn sicrhau bod pobl iau yn cymryd mwy o ddiddordeb mewn gwleidyddiaeth, ac yn sicrhau eu bod yn ymwybodol o’r byd sy’n prysur newid a’r penderfyniadau sy’n gallu cael effaith arnynt.”

Dywedodd ef, “Mae Cwricwlwm ar gyfer bywyd hefyd yn ymgyrch bwysig iawn gan fod arnom ni, y genhedlaeth iau, angen cwricwlwm a fydd yn ein paratoi ni ar gyfer y byd prysur sydd o’n blaenau. Rwy’n gyffrous iawn i fod yn rhan o hwn, a gweld y gwaith sydd o’n blaenau, gan sicrhau ein bod yn parhau i roi llais i’r genhedlaeth iau.”

Alisha, sy’n 17 oed ac o Dŷ-croes yw ein haelod etholedig o Senedd Ieuenctid y DU yn 2017/18. Arweiniodd Alisha ar Bleidlais ‘Make Your Mark’ 2017 yn Sir Gaerfyrddin, sef yr ymgynghoriad ieuenctid mwyaf yn y Deyrnas Unedig gyda 954,766 o bobl ifanc yn cymryd rhan. Gwnaeth Alisha a’i thîm annog 4,635 o bobl ifanc rhwng 11 ac 18 oed ledled Sir Gaerfyrddin i gymryd rhan a phleidleisio ar y materion pwysig sy’n cael effaith ar eu bywydau.

Datgelwyd Canlyniadau Pleidlais Make your Mark (tudalen 30-31) ym mis Hydref a’r canlyniadau yn Sir Gaerfyrddin oedd:

Y 5 canlyniad gorau yn Sir Gaerfyrddin:

• 727 pleidlais – Cwricwlwm i’n paratoi ar gyfer bywyd
• 661 pleidlais – Canolfannau Profiad Gwaith i blant rhwng 11 ac 18 oed
• 605 pleidlais – Diogelu Pobl LGBT+
• 531 pleidlais – Pleidlais yn 16 oed
• 496 pleidlais – Addysg ynghylch Cymorth Cyntaf i Bob Person Ifanc

Ymunodd Alisha ag aelodau Senedd Ieuenctid y Deyrnas Unedig yn Nhŷ’r Cyffredin ddydd Gwener 17 Tachwedd i ddadlau a phenderfynu ynghylch y mater mwyaf pwysig i ymgyrchu yn ei gylch yn 2018. Roedd Alisha ymhlith y 24 o aelodau oedd yn cynrychioli Cymru yn y digwyddiad.

Y ddwy Ymgyrch Genedlaethol ar gyfer 2017/2018 y pleidleisiwyd drostynt gan Aelodau o Senedd Ieuenctid y DU yn Nadl Tŷ’r Cyffredin ym mis Tachwedd oedd Cwricwlwm i’n paratoi ar gyfer bywyd, a Pleidlais yn 16 oed.

Ar ran y Cyngor Ieuenctid a Senedd Ieuenctid y DU mae Alisha wedi diolch i’r holl bobl ifanc yn Sir Gaerfyrddin a hwylusodd Pleidlais Make your Mark eleni ac a gymerodd ran ynddi. Dyma’r nifer mwyaf o bobl ifanc i bleidleisio yn Make your Mark ers iddi ddechrau yn 2011.

Dywedodd Alisha mai “bod yn aelod o Senedd Ieuenctid y Deyrnas Unedig yw’r peth mwyaf anhygoel sydd wedi digwydd imi fel person ifanc. Mae e nid yn unig wedi rhoi hyder a nerth imi, ond mae e hefyd wedi rhoi cyfleoedd imi gwrdd â phobl o bob cwr o’r Deyrnas Unedig a chlywed eu barn am yr hyn sydd bwysicaf iddynt. Mae’r ymgyrch Pleidlais yn 16 oed yn bwnc arbennig iawn i nifer o bobl ifanc, gan ei fod yn rhoi llais inni a chyfle i helpu i lywio’r penderfyniadau sydd yn cael yr effaith fwyaf arnom. Bydd yn sicrhau bod pobl iau yn cymryd mwy o ddiddordeb mewn gwleidyddiaeth, ac yn sicrhau eu bod yn ymwybodol o’r byd sy’n prysur newid a’r penderfyniadau sy’n gallu cael effaith arnynt.”

She also added “A Curriculum for life is also a very important campaign as we, the younger generation need a curriculum that will prepare us for the busy world ahead of us. I’m very excited to be a part of, and see the work we have ahead of us, ensuring that we continue to provide the younger generation with a true voice.”

Dywedodd hefyd, “Mae Cwricwlwm ar gyfer bywyd hefyd yn ymgyrch bwysig iawn gan fod arnom ni, y genhedlaeth iau, angen cwricwlwm a fydd yn ein paratoi ni ar gyfer y byd prysur sydd o’n blaenau. Rwy’n gyffrous iawn i fod yn rhan o hwn, a gweld y gwaith sydd o’n blaenau, gan sicrhau ein bod yn parhau i roi llais i’r genhedlaeth iau.”

Ddydd Gwener 26 Ionawr, bu Alisha ac aelodau o Senedd Ieuenctid y DU yn Lansiad Swyddogol yr Ymgyrchoedd Cenedlaethol, yn rhan o Ddiwrnod Gweithredu Cenedlaethol. Byddwn ni’n datblygu prosiectau a mentrau, a fydd yn cael eu harwain gan Alisha, i ddarganfod mwy ynghylch safbwyntiau a barn pobl ifanc am y ddau fater cenedlaethol, megis Trafodaethau Cyngor Ysgol, cyfleoedd i Ymgynghori, codi ymwybyddiaeth drwy’r cyfryngau cymdeithasol a gweithio gydag Uwch-reolwyr mewn Addysg ynghylch Diwygio’r Cwricwlwm yng Nghymru.

Bydd Alisha Gibbons, sy’n 16 oed ac yn gynrychiolydd etholedig Sir Gaerfyrddin 2017 yn Senedd Ieuenctid y Deyrnas Unedig, yn treulio tri diwrnod ar gampws prifysgol Lerpwl y penwythnos hwn er mwyn cymryd rhan yng Nghyfarfod Blynyddol Senedd Ieuenctid y Deyrnas Unedig.

Yn ystod y Cyfarfod bydd Alisha, sy’n cynrychioli Sir Gaerfyrddin a Chymru, yn cyflwyno achos cryf dros gynnwys Iechyd Meddwl a mynediad i well gwasanaethau Iechyd Meddwl ar gyfer pobl ifanc ymhlith y deg prif bwnc cenedlaethol i’w cynnwys ar bapurau pleidleisio ymgyrch ‘Make Your Mark’.

‘Make Your Mark’ yw ymgynghoriad mwyaf y Deyrnas Unedig ar gyfer pobl ifanc, a bydd angen eich cymorth a’ch cefnogaeth arnom i gael cynifer o bobl ifanc â phosibl ar draws Sir Gaerfyrddin a’r Deyrnas Unedig i gymryd rhan a dweud eu dweud ym mhleidlais ‘Make Your Mark’ eleni, a fydd yn cael ei lansio ar 12 Awst 2017.

“Rwy’n teimlo’n frwdfrydig ac yn gyffrous am fynd i Lerpwl a cheisio rhoi iechyd meddwl ar bapurau pleidleisio MYM 2017. Mae iechyd meddwl yn fater sy’n effeithio ar fywydau pobl ifanc o ddydd i ddydd. Rwy’n credu’n gryf bod angen gwella gwasanaethau iechyd meddwl ar gyfer pobl ifanc a dylai fod gan bob plentyn a pherson ifanc hawl i gymorth pan fo arnynt ei angen.”

Bydd y digwyddiad hwn yn rhoi cyfle i Alisha gyfarfod a gweithio gydag aelodau eraill Senedd Ieuenctid y Deyrnas Unedig, sydd rhwng 11 ac 18 oed ac yn dod o bob cwr o’r wlad, i wneud gwahaniaeth ar gyfer pobl ifanc! Bydd Alisha’n cymryd rhan mewn gweithdai a dadleuon i’w pharatoi ar gyfer dadl a phleidlais Senedd Ieuenctid y Deyrnas Unedig yn Nhŷ’r Cyffredin ym mis Tachwedd, sydd i benderfynu pa ddau fater o ymgyrch ‘Make Your Mark’ ddylai fod yn rhan o ymgyrchoedd cenedlaethol Senedd Ieuenctid y Deyrnas Unedig ar gyfer 2018.

Bydd Aelodau’r Senedd Ieuenctid hefyd yn cael y fraint o wrando ar areithiau gan wleidyddion amlwg yn ogystal â chyfle i gymryd rhan mewn sesiwn holi ac ateb. Gallwch gael y diweddaraf am y drafodaeth ar ein cyfrifon Twitter a Facebook, neu defnyddiwch #UKYP17

Fe wnaeth ein swyddog cyfarthrebu, Gwen Griffiths, cynrychioli’r sir mewn dadl genedlaethol yn Nhŷ’r Cyffredin ar Tachwedd 11. Roedd Gwen wedi cael ei hethol gan gynghorwyr ieuenctid eraill i gynrychioli Sir Gaerfyrddin, yn ymuno â 300 o aelodau Senedd Ieuenctid y Deyrnas Unedig rhwng 11 a 18 oed.

Yn ystod yr haf, cefnogodd Cyngor Ieuenctid Sir Gaerfyrddin yr ymgynghoriad mwyaf ag ieuenctid y Deyrnas Unedig, wrth i Senedd Ieuenctid y Deyrnas Unedig geisio rhoi llais i filiwn o bobl ifanc ledled y Deyrnas Unedig.

Dychwelodd Cyngor Ieuenctid Sir Gaerfyrddin fwy na 600 o bapurau pleidleisio ar gyfer y digwyddiad a bydd y pum mater pennaf a ddewiswyd yn cael eu trafod.

Bydd pob pwnc yn cael ei gyflwyno gan aelodau rhanbarthol etholedig, a fydd yn amlinellu’r dadleuon o blaid ac yn erbyn y mater sydd dan sylw, cyn i’r holl aelodau gael cyfle i’w drafod.

Ar ôl trafod y pum mater, bydd pob aelod o’r Senedd Ieuenctid yn pleidleisio dros eu prif fater er mwyn penderfynu beth fydd eu hymgyrch genedlaethol yn 2017.

Dywedodd Gwen: “Rwyf wrth fy modd o gael fy ethol yn Aelod o’r Senedd Ieuenctid i gynrychioli pobl ifanc Sir Gaerfyrddin a Chymru ar lefel genedlaethol.

“Rwy’n edrych ymlaen at gael y profiad o fod yn rhan o ddadl yn Nhŷ’r Cyffredin.”