Rydym wedi bod yn gweithio gyda Gwasanaethau Cymorth Ieuenctid a Thîm Cyfranogiad a Hawliau Plant Cyngor Sir Caerfyrddin i roi cyfleoedd i’n haelodau, ac i bobl ifanc eraill yn y dyfodol, fod yn rhan o’r broses o recriwtio staff ar gyfer y gwasanaethau Cymorth Ieuenctid, yn arbennig ar gyfer y rolau hynny sy’n gweithio wyneb yn wyneb gyda phobl ifanc.

Rydym yn dod â sgiliau i’r broses gyfweld sy’n wahanol i’r rhai a gynigir gan weithwyr proffesiynol; rydym yn edrych am rinweddau yn yr ymgeisydd na fyddai gweithwyr proffesiynol yn chwilio amdanynt efallai, ac felly gallwn gryfhau’r broses gyfweld.

Dywedodd Amber Treharne, aelod o Ben-bre, fod cymryd rhan yn y cyfweliadau yn “brofiad gwych oedd yn rhoi cipolwg ar y broses gyfweld. Mae’n hollol wych fod y cyngor yn annog pobl ifanc i gymryd rhan yn y broses. Fel pobl ifanc gallwn gynnig persbectif gwahanol ar rinweddau’r sawl sy’n cael ei gyfweld a sut mae’n ymwneud â phobl o’n grŵp oedran ni. Dyma’r ffordd ymlaen, heb os, a bydden i wrth fy modd yn gweld y Cyngor Sir yn rhoi mwy o gyfleoedd i bobl ifanc gymryd rhan mewn cyfweliadau.”

Mae cael Panel Cyfweld o Bobl Ifanc nid yn unig yn gwneud yn siŵr bod modd inni ddefnyddio ein Hawl i fod yn rhan o benderfyniadau sy’n effeithio arnom, ond mae hefyd yn gallu helpu i wneud yn siŵr bod y Cyngor yn cyflogi’r bobl iawn i weithio gyda phlant a phobl ifanc. Nid yw panel cyfweld o bobl broffesiynol bob amser yn gofyn y cwestiynau y byddai pobl ifanc yn hoffi ateb ar eu cyfer.

Dywedodd Sarah Powell, Uwch-swyddog Cyfranogiad a Hawliau Plant, fod “pobl ifanc yn dda am feddwl am bethau mewn ffordd wahanol ac maen nhw’n gwybod beth maen nhw ei eisiau a beth maen nhw ei angen gan y bobl sy’n gweithio gyda nhw. Mae cael Panel Cyfweld o Bobl Ifanc yn gyfle gwych i’r tîm recriwtio ac i’r bobl ifanc sy’n cymryd rhan. Mae cael yr ymgeisydd gorau o ganlyniad i gynnwys pobl ifanc yn y broses gyfweld yn gallu helpu i wella canlyniadau plant a phobl ifanc yn ogystal â gwella’r gwasanaethau rydym yn eu darparu”.

Mae llawer o fanteision o gael Panel Cyfweld o Bobl Ifanc (hyperddolen) neu o gael person ifanc i fod yn aelod cyfartal o banel cyfweld proffesiynol. Mae cael y cyfleoedd hyn i roi ein barn yn gwneud inni deimlo’n fwy grymus ac yn arwydd bod gweithwyr proffesiynol yn ein parchu ni a’n safbwyntiau. Hefyd gall gryfhau’r berthynas rhwng gweithwyr proffesiynol a phobl ifanc, gan roi mwy o ffydd i ni bobl ifanc yn y gweithwyr proffesiynol a’u gwasanaethau, gan ein bod yn teimlo eu bod nhw’n gwrando arnom.

Dechreuais ddioddef creulondeb gan grŵp o fwlis yn 11 oed. Ces fy arteithio nes i mi deimlo mor ddiwerth. Dechreuais hunan-niweidio a dirywiodd fy iechyd meddwl. Ers cael y cymorth a’r gefnogaeth roedd eu hangen arnaf yn druenus, rydw i wedi brwydro i gael fy mywyd yn ôl ar ben ffordd a chymryd rheolaeth drosto, ac nawr rwy’n teimlo fy mod yn gallu ymdopi’n well â’m iechyd meddwl. Gydag ychydig o anogaeth a pheth cymorth rydw i wedi dysgu cofio am y rhinweddau da sydd gen i, ac mae hynny wedi fy helpu i ddatblygu fy hunan-barch a’m hyder. Llwyddais yn fy arholiadau ac rydw i wedi dod o hyd i swydd rwy’n ei mwynhau’n arw. Roedd y rhain yn nodau doeddwn i byth yn meddwl y byddwn i’n eu cyflawni.

Rwy’n edrych ymlaen nawr at ddyfodol disglair a chadarnhaol. Gyda’m profiad blaenorol a chymorth gan y Cyngor Ieuenctid a chyfranogiad y tîm hawliau plant rwy’n gyffrous iawn ynghylch lansio ein hymgyrch iechyd meddwl, Stori Harriet, gan fod fy nhaith i fan gwell a hapusach wedi dechrau gyda sgwrs syml.

Sylweddolais fod dechrau sgwrs yn gallu gwneud gwahaniaeth mawr i fywyd rhywun. Rwy’n gofyn i chi gefnogi fy ymgyrch,Stori Harriet, drwy wneud addewid i ddechrau sgwrs oherwydd gallai hynny newid bywyd rhywun. Lawrlwythwch a llofnodi ein haddewid ac yna lanlwytho llun ar gyfryngau cymdeithasol gan ddefnyddio’r hashnod #StoriHarriet.

Oedd yr ymgyrch wedi cael ei lansio gan y Cynghorydd Glynog Davies, yr Aelod o’r Bwrdd Gweithredol dros Addysg, a llofnodi copi cyntaf Addewid Stori Harriet yn y gynhadledd. Dywedodd: “Mae gan Harriet stori ysbrydoledig iawn i’w hadrodd ac rwyf yn sicr y bydd yn rhoi anogaeth a chymorth i eraill. Rwyf yn llongyfarch Harriet a’r Cyngor Ieuenctid am hoelio sylw ar y pwnc pwysig ac anodd hwn,” dywedodd.”Rwyf yn gobeithio y bydd pobl yn cefnogi ac yn llofnodi addewid Harriet.”

Ces yr ysbrydoliaeth i hyrwyddo materion problemau iechyd meddwl a dechrau #StoriHarriet ar ôl ennill gwobr Plentyn Dewr Radio Sir Gâr 2017 er mwyn cydnabod fy nghryfder, fy newrder a’r modd rydw i wedi brwydro yng nghanol anawsterau personol.

Dros y ddau fis diwethaf rydw i wedi dechrau rhannu fy stori â phobl ifanc eraill ac oedolion fel ei gilydd, i godi ymwybyddiaeth o faterion iechyd meddwl gan fod ystadegau diweddar yn dangos bod materion iechyd meddwl yn effeithio ar 1 o bob 5 o bobl yn y Deyrnas Unedig. Rwy’n frwd iawn dros dynnu sylw pobl ifanc at y neges nad yw diwrnod gwael yn golygu bod bywyd yn wael. Os hoffech ddarllen fy stori, cliciwch ar y ddolen StoriHarriet

Lawrlwythwch a llofnodi ein haddewid

Erthygl gan Harriet

Ar ôl blwyddyn o ymgyrchu gan Gwen a’i thîm, ac yn dilyn dadl a phleidlais mewn cyfarfod gan y cyngor llawn, rydym yn falch o gyhoeddi bod Cyngor Sir Caerfyrddin Votes@16 yn cefnogi ymgyrch #votesat16 sy’n ceisio rhoi hawl i bobl ifanc 16 a 17 oed bleidleisio.

Continue reading “Cyngor Sir yn Cefnogi Pleidleisio@16” →

Roedd y diwedd o 2016 yn adeg cyffrous i ni, gan fod arweinwyr yn Cyngor Sir Gar wedi arwyddo’n swyddogol, yr Addewid Hawliau Plant yn Sir Gâr. Mae’r addewid yn gwneud yn siwr fod y hawliau o plant a phobl ifanc o Sir Gâr yn cael eu barchu, yn cael eu cymryd yn difrifol ac yn cael eu ystyried pan mae Cyngor y Sir yn gwneud penderfyniadau.

Continue reading “Addewid Hawliau Plant” →