Dyma ein rhaglen ddrafft, mae dyddiadau yn debygol o newid ac mae angen trafod a phenderfynu ar leoliadau… mae hyn yn rhywbeth y byddwn yn ei wneud fel grŵp ar y cwrs preswyl.
★ Mis Awst i Fedi
Cysylltu a chyfarfod â phobl ifanc sydd â diddordeb
★ Dydd Iau 8fed Medi 2022
Sesiwn Sefydlu a Datblygu
Cyfarfod Wyneb yn Wyneb 5:00yh – 6:30yh.
★ Dydd Sadwrn 17 Dydd Sul 18fed Medi 2022
Penwythnos Preswyl Hyfforddi ac Adeiladu Tîm
10:00yb Dydd Sadwrn hyd at 4:00yh Dydd Sul Pentywyn
★ Dydd Mercher 19eg Hydref 2022
Cyfarfod Adborth a Datblygu
Cyfarfod Wyneb yn Wyneb 5:00yh – 7.00yh
★ Dydd Mercher 2il Tachwedd 2022
Cyfarfod Grŵp Rheoli Pobl Ifanc gyda’r rhai sy’n gwneud penderfyniadau
Cyfarfod Wyneb yn Wyneb 10:00yb – 4:00yh
★ Dydd Mercher 16eg Tachwedd 2022
Cyfarfod Adborth a Datblygu
Cyfarfod Ar-lein am 5:00yh
★ Dydd Sadwrn 3ydd Rhagfyr 2022
Diwrnod Datblygu – Paratoi ar gyfer Cyfarfod Rheoli Pobl Ifanc
Cyfarfod Wyneb yn Wyneb 9:30yh – 1:30yp
★ W/C 12fed Rhagfyr 2022
Cyfarfod Grŵp Rheoli Pobl Ifanc gyda’r rhai sy’n gwneud penderfyniadau
Cyfarfod Wyneb yn Wyneb 10:00yb – 1:30yh Neuadd y Sir
★ Dydd Sadwrn 7fed Ionawr 2023
Cyfarfod Adborth, Gwerthuso’r Broses a Diolchiadau
Llu Cadetiaid Byddin Dyfed a Morgannwg, Cross hands
Llu Cadetiaid Byddin Dyfed a Morgannwg, Trimsaran
❤❤❤
ARDAL LLANELLI
Banc Bwyd Cydweli
Canolfan Plant Felinfoel
Canolfan Plant Llwynhendy
Canolfan Teulu Porth Tywyn
Canolfan Teulu Morfa
CASM, Llanelli*
Clwb Ieuenctid Llangennech
Clwb Ieuenctid Porth Tywyn
CYCA Llanelli
Cyngor Gwledig Llanelli
Dechrau’n Deg, Morfa*
Hwb, Dre Llanelli
Llu Cadetiaid Byddin Dyfed a Morgannwg, Dre Llanelli
Llu Cadetiaid Byddin Dyfed a Morgannwg, Porth Tywyn
Prosiect Ieuenctid Bwlch, Morfa
Siop Gymunedol Stebonheath
The Wallich Tai â Chefnogaeth*
The Wallich Prosiect Allgymorth Cymunedol*
Tŷ Enfys, Llwynhendy
❤❤❤
DYFFRYN TYWI
Neuadd Gymuned Trap, Trap
Canolfan Ieuenctid a Chymuned Llanymddyfri
Hyb Bwyd Llandeilo, Ysgol Gynradd
The Hangout, Llandeilo
Y Pantri Glas, Llandeilo
❤❤❤
DYFFRYN TEIFI
Caffi Emly/Teifi Chips, Castellnewydd Emlyn
Canolfan Gymunedol Hen Ysgol Llanybydder
Cynolfan Padlwyr Llandysul
❤❤❤ Mae cynhyrchion ar gael am DDIM : ❤ Drwy Staff Gwasanaethau Cymorth Ieuenctid (Gweithwyr Ieuenctid) ❤ Drwy Thîm Gadael Gofal Sir Gaerfyrddin (Cynghorwyr Personol) Cyngor Sir Caerfyrddin ❤ Yn pob Ysgol Gynradd, Uwchradd ac Arbennig yn Sir Gaerfyrddin ❤ Yn pob Campws Coleg Sir Gâr a Phrifysgol Cymru y Drindod Dewi Sant yn Sir Gaerfyrddin
*AR GYFER AELODAU NEU GYSYLLTIADAU YN UNIG GALL RHAI PROSIECTAU/LLEOLIADAU FOD AR GAU NEU FYNEDIAD CYFYNEDIG OHERWYDD COVID-19
Mae Gweithwyr Ieuenctid Gwasanaethau Cymorth Ieuenctid Sir Gâr yn sefydlu grŵp newydd ar gyfer pobl ifanc sydd â rhywbeth i’w ddweud am addysg a dysgu. Bydd y grŵp yn gweithredu fel Grŵp Rheoli Pobl Ifanc, gyda’r prif bwrpas o weithio gyda rheolwyr a’r rheiny sy’n gwneud penderfyniadau o Adran Addysg a Gwasanaethau Plant Cynghorau Sir Gâr, i gynrychioli barn pobl ifanc.
BOD YN HAPUS, DIOGEL A CHYRRAEDD EU LLAWN BOTENSIAL Gyda chymorth a hyfforddiant gan Weithwyr Ieuenctid, bydd aelodau’r Grŵp Rheoli yn gallu lleisio’u barn am addysg a’r cyfleoedd sydd ar gael i bob dysgwr yn Sir Gâr. Rydym yn awyddus i archwilio beth all gael ei wneud i helpu dysgwyr fod yn hapus, diogel ac i gyflawni eu potensial personol, cymdeithasol ac addysgiadol.
Y RHAI SY’N GWNEUD Y PENDERFYNIADAU Mae Adran Addysg a Gwasanaethau Plant Sir Gâr wedi bod yn gweithio tuag sicrhau lle canolog i Blant a Phobl Ifanc ym mhopeth maen nhw’n eu gwneud, gyda llawer o’i gwaith yn cael ei ategu gan Gonfensiwn y Cenhedloedd Unedig ar Hawliau’r Plentyn. Mae hi’n cryfhau ei hymrwymiad i wrando ar lais Pobl Ifanc drwy ddatblygu’r grŵp newydd hwn a fydd yn rhoi adborth, gwerthuso, a dylanwadu ar waith yr Adran.
Mae gan yr Adran flaenoriaethau clir sy’n canolbwyntio ar bedair thema allweddol: ★ Dysgwyr uchelgeisiol, galluog, sy’n barod i ddysgu drwy gydol eu bywydau ★ Unigolion iach, hyderus, sy’n barod i fyw eu bywydau i’r eithaf fel dinasyddion gwerthfawr cymdeithas ★ Cyfranwyr mentrus, creadigol, sy’n barod i chwarae rhan lawn mewn bywyd a gwaith ★ Dinasyddion moesol, gwybodus Cymru a’r byd
CYFARFOD Rydym yn gobeithio cynnal y cyfarfod cyntaf ym mis Medi 2022. Bydd y prosiect yn gymysgedd o gyfarfodydd wyneb yn wyneb ac ar-lein, gan gynnwys arhosiad preswyl (aros dros nos) i ddod i adnabod eich gilydd, dysgu am y prosiect, cael hyfforddiant, cael hwyl a chymryd rhan mewn gweithgareddau tîm.
Bydd dau gyfarfod gyda rheolwyr sy’n gwneud penderfyniadau ar Addysg yn Sir Gâr, fydd yn digwydd yn ystod hanner tymor ac unwaith yn ystod amser Ysgol. Cliciwch yma i weld RHAGLEN ddrafft o pryd allem gwrdd.
Byddwn yn talu’r holl gostau (e.e bwyd, aros dros nos, cyfarfodydd, gweithgareddau ac ati i gyd heb gynnwys trafnidiaeth) i gynnal y prosiect fel na fydd angen ichi dalu am unrhyw beth sydd ei angen.
I’W GADARNHAU GYDAG AELODAU’R GRŴP. Rydym yn chwilio am bobl ifanc 14, 15 ac 16 oed (Blynyddoedd 9,10 ac 11) sy’n mynd i’r ysgol yn Sir Gâr ac sydd am wneud gwahaniaeth.
Bydd pob aelod o’r grŵp yn; ★ gallu cynrychioli llais a barn pobl ifanc i wella gwasanaethau ★ cael cefnogaeth gan Weithwyr Ieuenctid yn ystod y prosiect ★ meithrin sgiliau a phrofiadau newydd ★ cael cyfleoedd i gyfarfod a gweithio ochr yn ochr â’r rhai sy’n gwneud penderfyniadau ★ cymryd rhan mewn gweithgareddau hwyliog, tîm a phreswyl ★ cael eu barn wedi’i chlywed a helpu dylanwadu ar y penderfyniadau sy’n cael eu gwneud ar addysg a dysgu yn Sir Gâr. ★ cael cyfle i ennill tystysgrif wirfoddoli genedlaethol ★ cael taleb anrheg fel diolch am eich amser, gwaith caled a’ch ymrwymiad
CWRDD Â’R STAFF Mae dau aelod o Staff Gwasanaethau Cefnogi Ieuenctid Sir Gâr yn arwain y Prosiect hwn, sef Sarah a Heulwen.
Sarah Powell
Heulwen O’Callaghan
MWY O WYBODAETH Am fwy o wybodaeth neu i gymryd rhan cysylltwch â Sarah, Uwch Swyddog Cyfranogiad a Hawliau Plant ar: Ebost: SJPowell@sirgar.gov.uk Ffôn neu Whatsapp: 07748 154 672 Negesydd: www.facebook.com
Cefais wybod am y cyfweliadau i staff ar gyfer swydd y Gweithiwr Cymorth Cyfranogiad drwy Gyngor Ieuenctid Sir Gaerfyrddin a phenderfynais y byddwn yn hoffi bod yn rhan o’r broses. Gofynnais am fod yn rhan o’r panel cyfweld a chefais wahoddiad i swyddfeydd Rhydaman lle’r oedd y cyfweliadau’n mynd i gael eu cynnal. Roeddwn yn llawn cyffro i gael cyfle mor wych yn ogystal ag ychydig yn nerfus gan nad ydw i erioed wedi gwneud rhywbeth fel hyn o’r blaen.
Meddyliais am ychydig o gwestiynau ac yna dewisais pa gwestiynau oedd fwyaf addas ar gyfer y cyfweliad a’r rôl hon. Yn ystod y cyfweliad, fe wnes i nodiadau ar bawb a gafodd gyfweliad i wneud yn siŵr eu bod yn berffaith ar gyfer y rôl hon.
Y peth gorau am fod yn rhan o’r cyfweliad hwn yw’r profiad rwyf wedi’i gael. Mae cyfweliadau yn ffactor pwysig iawn mewn bywyd; fodd bynnag, nid ydym yn cael ein haddysgu am gyfweliadau a’r broses gyfweld mewn ysgolion. Dylai hyn fod yn rhywbeth sy’n cael ei ddysgu yn yr ysgol gan y dylai pawb allu cael y cyfle i wneud hyn. Rwyf bellach yn barod i gael cyfweliad yn y dyfodol gan fy mod yn gwybod sut beth yw’r broses gyfweld ac rwyf hefyd yn gallu cyfweld â phobl eraill a allai fy helpu yn y dyfodol.
Ar gyfer y cyfweliad hwn, fe wnes i baratoi trwy gyfarwyddo â’r swydd a’r rhinweddau sydd eu hangen ar gyfer y swydd hon a gwnes i nodiadau am yr hyn y dylwn chwilio amdano wrth gyfweld.
Y cyngor y byddwn yn ei roi i bobl ifanc sy’n cyfweld ag eraill am swydd yw bod yn barod a bod yn hyderus. Bydd angen i chi ddysgu am y swydd rydych chi’n cyfweld ar ei chyfer yn ogystal â gwneud rhai nodiadau ar beth yw’r pethau pwysicaf rydych chi’n chwilio amdanyn nhw yn ystod y cyfweliad. Mae bod yn barod hefyd yn bwysig i berson ifanc sy’n paratoi i gael ei gyfweld.
Roedd yn llawer anoddach cyfweld drwy Teams gan nad yw’r un profiad â chyfweliad arferol mewn gwirionedd. Mae’n llawer anoddach gweld beth yw natur y person mewn gwirionedd a pha mor hyderus ydyw wrth siarad o flaen pobl o dan bwysau.
Cefais fy nghynnwys yn y broses gyfweld gyfan. Ar ôl y cyfweliadau, edrychais dros unrhyw nodiadau yr oeddwn wedi’u gwneud yn ystod y cyfweliadau a dewis pa berson oedd fwyaf addas ar gyfer y rôl hon.
Roeddwn i eisiau bod yn rhan o’r broses gyfweld gan fy mod am gael rhywfaint o brofiad o gyfweliadau yn ogystal â gweld sut beth yw cyfweliad. Roedd bod yn rhan o’r panel cyfweld yn ddiddorol iawn ac yn ddefnyddiol ar gyfer y dyfodol a byddwn yn argymell unrhyw un sy’n cael y cyfle i wneud hyn.
Gwnaeth Arwen, Aelod Sir Gaerfyrddin o’r Senedd Ieuenctid, gwrdd â holl Aelodau eraill y Senedd Ieuenctid i drafod symud ymlaen â’u hymgyrchoedd cenedlaethol a ddeilliodd o bleidlais Make Your Mark 2020, sef; ● Llygredd Plastig ● Lleihau Ffioedd Prifysgolion ● Iechyd Meddwl a Llesiant
Ar ddiwedd mis Mawrth mynychodd Aelodau’r Senedd Ieuenctid ddigwyddiad pedair cenedl o’r enw ‘Making a Bigger Mark’ er mwyn clywed gan Gyfeillion y Ddaear, Undeb Cenedlaethol y Myfyrwyr a Young Minds, yng ngoleuni’r 3 ymgyrch genedlaethol.
Y 3 mater lleol pennaf ar gyfer pobl ifanc yn Sir Gaerfyrddin o’r bleidlais Make Your Mark yw: ● Dileu digartrefedd ●Mynediad at hyfforddiant a swyddi ●Rhoi terfyn ar drais domestig
PRIF FFOCWS
Rydym wedi trafod y problemau lleol a chenedlaethol yn ein cyfarfod misol, a gwnaethom bleidleisio i weithio ar a i fod ein prif ffocws:
➜ CENEDLAETHOL – . Rhoi terfyn ar lygredd plastig
Mae’r holl faterion eleni yn bwysig dros ben. Eleni, rydym yn gobeithio cymryd camau i fynd i’r afael â nhw i gyd. Mae llygredd plastig yn un o’r ffactorau mwyaf sy’n effeithio arnom ni i gyd ar gyfer y dyfodol. Mae microblastigau ym mhobman o fynydd Everest i’r afon Tywi.
➜ LLEOL – Rhoi terfyn ar drais domestig
Mae rhoi terfyn ar drais domestig yn bwnc sy’n agos iawn at galonnau nifer. Mae’n cael effaith ar y bobl sy’n dioddef ohono am weddill ein bywydau. Wedi i mi fod y sefyllfa honno, mae gadael y broblem yn y gorffennol yn dal i fod yn anodd. Mae gennyf obeithion mawr ar gyfer eleni ac i weld y newid sydd ei angen arnom.
Byddwn yn rhoi’r wybodaeth ddiweddaraf i chi unwaith y byddwn wedi penderfynu pa waith y byddwn yn ei wneud i fynd i’r afael â’r materion hyn. Os hoffech gymryd rhan, yna cysylltwch â ni neu os hoffech i ni wybod eich barn ar unrhyw un o’r materion hyn, gadewch sylw isod neu cysylltwch â ni drwy unrhyw un o’n cyfryngau cymdeithasol – Facebook, Twitter neu Instagram.
