Fy enw i yw Toby, a fi yw’r Swyddog Arweiniol ar gyfer yr ymgyrch Codi Llais yn Erbyn Trais. Nod yr ymgyrch hon, a grëwyd gan bobl ifanc Cyngor Ieuenctid Sir Gaerfyrddin, yw codi ymwybyddiaeth o gam-drin domestig. Hyd yn hyn, mi ydym wedi cael nifer o gyfarfodydd, a sesiynau hyfforddi sy’n cynnwys trafodaethau gyda chydlynydd Partneriaeth Trais yn Erbyn Menywod, Cam-drin Domestig a Thrais Rhywiol, Heddlu Dyfed Powys, cydlynydd prosiect CC Catrin Rees a chydlynydd Ysgolion Iechyd. Mae’r trafodaethau hyn rhwng ein haelodau o ymgyrch Codi Llais yn Erbyn Trais, a llawer o weithwyr proffesiynol, wedi’n harfogi i ddwyn achos yn erbyn cam-drin domestig.

Ein prif brosiect fel rhan o ymgyrch Codi Llais yn Erbyn Trais yw ein Drama Docu. Penderfynodd ein haelodau greu DocuDrama yn edrych ar gamau’r hyn sy’n digwydd ar ôl i chi riportio cam-drin domestig.

Roeddem yn teimlo bod hyn yn bwysig i ni gan fod pawb yn canolbwyntio ar riportio cam-drin domestig mewn gwirionedd, tra mai anaml y sonnir am y canlyniad. Mae hyn yn achosi i bobl deimlo na allant riportio unrhyw beth gan fod peidio â gwybod beth fydd yn digwydd wedyn yn frawychus.

I gwblhau’r Drama Docu hon, aethom i gyd i hyfforddiant mewn ffilmio a sain gan Sharon o ‘Curious Ostrich’, sydd hefyd yn gyfarwyddwr y prosiect hwn. Cawsom gyfarfodydd i greu sgriptiau am y digwyddiadau ar ôl adrodd am gam-drin domestig, casglwyd y wybodaeth hon trwy siarad â Heddlu Dyfed Powys, Carmdas, a gwasanaethau eraill.

Rwyf wedi bod yn falch fel swyddog arweiniol yr ymgyrch hon oherwydd roedd y prosiect yn seiliedig ar y gyfraith newydd yn nodi bod gweld cam-drin domestig yn eich gwneud yn ddioddefwr cam-drin domestig.

Does dim rhaid i chi ei brofi. Rwy’n teimlo bod hyn yn bwysig i’w hyrwyddo yn y prosiect hwn er mwyn helpu i godi ymwybyddiaeth o effeithiau bod yn dyst i gam-drin domestig i ddefnyddio’u llais a sefyll i fyny yn erbyn cam-drin domestig a gwneud riportio cam-drin domestig ychydig yn haws.

Mae wedi bod yn brofiad anhygoel gweithio gyda phobl ifanc mor dalentog sydd mor angerddol am y prosiect hwn, mae’r holl bobl ifanc a gymerodd ran wedi fy ysbrydoli i a phawb arall a gymerodd ran i greu gwaith anhygoel i ennill y frwydr yn erbyn Cam-drin Domestig.

Erthygl Gan
Toby

Gallwch gael gwybod sut i gael help os ydych chi neu rywun rydych yn ei adnabod yn dioddef cam-drin domestig:
★ Cofiwch y gallwch chi siarad â’ch Athro, Gweithiwr Ieuenctid, Hyfforddwr neu Oedolyn rydych chi’n ymddiried ynddo
★ Byw Heb Ofn
★Gwasanaeth Cam-drin Domestig Sir Gaerfyrddin
★ Llinell Gymorth Byw heb Ofn – 0808 80 10 800
★ Mewn argyfwng, FFONIWCH YR HEDDLU drwy ddeialu 999.