Mae Senedd Ieuenctid y DU (UKYP) yn darparu cyfleoedd i bobl ifanc rhwng 11 a 18 oed leisio eu barn mewn ffyrdd creadigol i ennyn newid cymdeithasol. Mae’r sawl sy’n gwneud penderfyniadau ledled y DU yn defnyddio UKYP fel mecanwaith i ofyn am farn pobl ifanc.
Cafodd Magda Smith ei hethol yn gynrychiolydd UKYP yn ystod Cyfarfod Cyffredinol Blynyddol Cyngor Ieuenctid Sir Gaerfyrddin ym mis Ebrill 2022. Ei gwaith hi yw cyfleu barn pobl ifanc Sir Gâr i’r rhai sy’n gwneud penderfyniadau ar lefel leol, ranbarthol, a chenedlaethol, a dywedodd Magda ei bod “yn gyffrous am y cyfle hwn a methu aros i weld ble fyddai’n mynd â hi”. Ers hynny, mae hi wedi bod yn cymryd rhan yn y rhaglen, gan ddefnyddio ei llais etholedig i sicrhau newid cymdeithasol drwy gynrychiolaeth ac ymgyrchu ystyrlon.
Ar ôl pleidlais Ymgynghoriad Make Your Mark 2022, Iechyd a Llesiant yw’r prif fater. Ynghyd ag aelodau eraill o’r Senedd Ieuenctid, bu Magda yn gweithio’n galed yn trefnu ac yn rhedeg Grwpiau Ffocws Iechyd a Llesiant yn Sir Gaerfyrddin i ddeall y mater yn well.
Pleidleisiodd aelodau o’r Senedd Ieuenctid dros roi’r 5 pwnc Iechyd a Llesiant ar restr fer i’w thrafod yn Eisteddiad Tŷ’r Cyffredin. Dywedodd: “Os ydw i am fod yn llais dros bobl ifanc Sir Gâr hyd eithaf fy ngallu, mae’n bwysig fy mod yn deall mwy am y mater rydym ni’n canolbwyntio arno i wneud gwahaniaeth i’n sir ni”.
Ym mis Tachwedd 2022, lluniodd Magda, gydag Aelodau eraill o blith y Senedd Ieuenctid, restr fer o 5 is-bwnc Iechyd a Llesiant i’w thrafod yn Eisteddiad Tŷ’r Cyffredin. Yn yr eisteddiad, pleidleisiodd Aelodau’r Senedd Ieuenctid dros ganolbwyntio ar is-bwnc Iechyd / Costau Byw yn ymgyrch 2023. Wedi’r drafodaeth yn Eisteddiad Tŷ’r Cyffredin, dywedodd “Roedd hwnna’n brofiad anhygoel, alla i ddim aros tan y flwyddyn nesaf i ddechrau gwneud cynnydd ar yr ymgyrch ar gyfer yr is-bwnc bleidleision ni amdano sef iechyd/costau byw”.
